Durangoko Arte eta Historia Museoa

Agustin Ibarrola

PAPERA ARDATZ

2023 Azaroak 18 - 2024 Urtarrilak 28

Museoak eta Udalak doluminak helarazi dizkiote familiari

Durangoko Arte eta Historia Museoa - Agustín Ibarrola erakusketa - Papera ardatz

Honako hau, beraz, aukera ezin hobea da Agustin Ibarrola handiak papera ardatz hartuta egindako artelanez gozatzeko, Durangon. Gure museoak, izan ere, azken urteetan aise frogatu du, udal museo bat izan arren, hirietan antolatzen diren erakusketen parean dagoela.

Jon Sergio Atxotegi
Durangoko Arte eta Historia Museoko presidentea

Paperezko eskulturak / 50 x 50 x126 cm

Margotutako papera. Kolorea. Nortasuna. Ibarrolaren koloreak, izan ere, “bere koloreak” dira. Kolorea aplikatzeko moduagatik identifikatu ditzakegu Agustinen lanak. Bere pintzelkadengatik. Durangoko Arte eta Historia Museoan batzen diren paperezko lanetan, inpresioa presente dago, brotxakada, frottage eta delineatuen bidez Agustin Ibarrolak bere aztarna inprimatu baitu paper gainean.

Garazi Arrizabalaga Cabrerizo
Durangoko Arte eta Historia Museoko zuzendaria

Collage / 105 x 138 cm

Durangoko erakusketa honetako artelanak 1997tik 2022ra bitartean kokatzen dira. Egunkarietako papera erabiltzen dutenak oso bitxiak dira, bai kartoizko eskulturak, bai paperezko “collage” gaineko olio pinturak. Motibo figuratibo zehatzekin batera agertzen dira, eta, ondorioz, lanak are eta familiarrago bihurtzen dira. Nolabait, proposamen konplexuagoen saiakera kontzeptualak dira, baina guztiz amaitutako lanaren nortasun teoriko eta praktikoa galtzen ez dutenak.

Juan Ángel Vela del Campo
Arte kritikaria eta akademikoa