«Akelarre» deitu ohi zaie XVII. mendeaz geroztik sorginen bilera edo topaketei, bai euskaraz, bai gaztelaniaz. Hala ere, erakusketa txiki honetan lehenagoko hiru dokumentu aurkezten ditugu, hiru mugarri, hitz hura tradizio zahar bezain enigmatiko baten parte lez erakusten digutenak. Enigmak -animalien metamorfosiak edo Aralar mendilerroko bileren burukide den dama esaterako-, istorio eta kontakizunez inguratutakoak, Akelarre. Historias nocturnas en los albores de la gran caza de brujas liburuak erakusten digun bezala.