Carlos Merino

Carlos Merino Bastidan jaio zen 1934ko otsailaren 25ean. 9 urterekin, Gernikatik pasabide labur bat egin ondoren, Durangon kokatu zen.

Gaztetan argazkilaritzarekiko interesa izan zuen, eta hainbat ikastaro egin zituen, baina ezin izan zuen argazkigintzan profesionalki jardun geroago arte. Ezkontza, jaunartze eta bataioei buruzko erreportajeak egiten hasi zen. 60ko hamarkadan tailer txiki bat jarri zuen bere etxean Zeharkale kalean eta, 1968an, Ermodo kaleko 15. zenbakiko arkupeetan jarri zuen denda.

Denda 1973an utzi eta itsasoari ekin zion, nahiz eta Durangora itzultzen zen garaietan Argazkarirako (Zornotza) ezkontza-argazkilari gisa lanean jarraitu zuen.