Erakusketa-proiektu honek erakargarritasun berezia du: margolaria hil ondoren, bere lan artistikoa modu indibidualizatuan lantzen lehena da (Valentin de Zubiaurre anaiaren ekarpena alde batera utzita). Horri esker, orain arte ezezagunak ziren alderdi biografikoak eta artistikoak ezagutu ahal izango dira. Gainera, margolariaren jaiotzaren 140. urteurrena betetzen da.

Horretarako, bisitariari margolariaren bilakaera artistikoari buruzko ikuspegi kronologikoki ordenatua emango dioten hainbat lan bildu dira, Arte Ederretako ikasle gisa hasi zenetik beranduagoko ekarpenetara arte. Museoaren bildumako Durango artelanaz gain, hainbat museotako lanak ere baditugu, hala nola Arabako Arte Ederren Museoa, Bilboko Arte Eder Museoa, Bilboko Arte Sakratuen Museoa, Asturiasko Arte Eder Museoa, Iberdrola Bilduma, BBK Fundazioa, Gipuzkoako Foru Aldundia, Bilboko Rembrandt eta Gasteizko Apellaniz galeriak eta bilduma partikularretako lanak, hala nola  Gutiérrez de Zubiaurre familiarenak eta Ortiz-Elejosterenak.

·   ·   ·   ·   ·

Komisarioa: Rebecca Guerra