Bizkaiak, berriz ere, bat egingo du Museoen Nazioarteko Egunaren ospakizunarekin, museoak herritarrengana hurbiltzea helburu duen eta ikuspegi parte‑hartzaile eta eraldatzailea duen kanpaina propio baten bidez. Bizkaiko Foru Aldundiak, lurraldeko museo askoren ordezkaritza zabalarekin batera, ekimen hau aurkeztu du, «Bizkaiko Museoak. Bisita itzazu, Bisita zaitez» lelopean garatuko dena, museoen eginkizuna balioan jarriz: gizartearekin topo egiteko, hausnartzeko eta konektatzeko gune gisa.

Ospakizun hori Museoen Nazioarteko Egunean kokatzen da, Museoen Nazioarteko Kontseiluak (ICOM) 1977az geroztik bultzatutakoa. Ekimen hori nazioarte mailakoa da, eta maiatzaren 18an egiten da. 2026an, nazioarteko leloa  «Museos uniendo un mundo dividido» «Museoak mundu zatitu bat elkartuz» izango da, Bizkaiaren ikuspegia indartu eta laguntzen duen esparru bat, tokiko ekintza mundu osoko dozenaka mila museok parte hartzen duten mobilizazio global batekin lerrokatuz.